5 أصدقاء في حياة المرأة القوية

- المرأة القوية هي البنت اللي قدرت تستخرج من جواها الطاقة والقوة اللي موجودين من يوم ميلادها ووجودها شيء مفضل في حياة كتير من الناس لأنها صديقة مميزة بسبب تشجيعها دايما للي حوليها على الاستقلال وتلقائيتها اللي بتغلب على طبعها دايما ودى أسباب كتير بتجذب الناس ليها بشكل أكبر ، ومن الأنواع اللي ممكن تكون موجودة في حياتها

1- الصديق المرح : جدية الحياة بتخيلنا نحتاج الشخص اللي بيفكرنا بأهمية المرح في حياتنا عشان نقدر نبعد عن ضغوطات الحياة ووجود الشخص ده في حياة المرأة القوية بيكون ليه دور كبير .

2- الصديق الكاشف للكذب : الكذب شيء موجود في حياتنا بنسبة كبيرة ولكن في بعض الناس اللي بتقدر تعرف نسبة صدق اللي قدامهم يمكن مش دايما بيكونوا صح بنسبة 100% ولكن وجود الصديق ده في حياة المرأة القوية بيساعدها بشكل كبير في إنها تاخد قراراتها .

3 - الصديق الغاضب : "الشيء لما بيزيد عن حده بينقلب ضده" المقولة دي يمكن بتبين قد ايه الصديق الغاضب وجوده مهم في الحياة لإن الحياة مش هتمشي سعادة بس والغضب في منه أنواع اللي منها بيكون مفيد وبنحتاجه في بعض الأوقات ووجود الصديق ده في حياة المرأة القوية بيفرق كتير .

4 - الصديق المتناقض : الاختيار دايما بيروح للحاجة اللي شبهنا في التفكير والروح والتعامل فى صحابنا لبسنا شغلنا وبنبعد تماما عن أي شيء مناقض لينا ولكن المرأة القوية وصفاتها الفريدة بتحتاج في حياتها الصديق المتناقض لأنها بتستفاد من خبراته ومعلوماته المختلفة عنها .

5 - الصديق المشجع : دايما لما بنتحط في ضغط في حياتنا بنبدأ نركز على عدد المرات اللي فشلنا فيها وننتقد أنفسنا بشكل مبالغ فيه ولإن المرأة بتواجه كتير من الضغوطات يوميا فبتحتاج دايما الصديق المشجع عشان يساعدها على تخطى كل العقابات ويبدأ يفكرها بنقاط قوتها .